Bilete frå nokre av arrangementa Kystsogevekene 2009
Bilete frå arrangement tidlegare år er å finne under Arkiv
Himmel og Hav - ei helg i havgapet
Brandasund Grendelag arrangerte ei helg i havgapet med Frodig Fredag, Lystig Laurdag og Solskinns Søndag. Lystig laurdag var det skattejakt og sjørøveri med Seladon og Sjørøvarrosa. Dessutan var det galleri, utstillingar, underhadling, musikk, sal og aktivitetar heile helga.
Sjå bilete frå himmeloghav.pdf
Konsert med Heimalanne'
Kulturminnedagen vart det halde konsert i Herlandsfoss Gamle kraftstasjon. Tema for Kulturminnedagen var Vatn og kvardagslivets kulturminner. Vi fekk også omvising i kraftstasjonen. I særeigne lokalar fekk vi høyre god musikk på striladialekt om livet, om venskap, og sjøliv og om heimplassen.
Sjå bilete frå Heimalanne_i_Herlandsfoss_kraftstasjon.pdf
Familiedag på Kulturminnedagen
Kystmuseet i Øygarden, Museum Vest arrangerte enkel familiedag på Kulturminnedagen. Her fekk borna høve til å skyte med pil og boge, og fiske litt krabbe frå brygga.
Sjå bilete frå Familiedag_på_Kystmuseet.pdf
Selstøbuene - frå notbu til hytteparadis
Selstøbuene er ferdigrestaurerte og dette vart markert med tur i Nordsjøløypa til Selstøbuene, har var det monolog ved Martha Golten mm, i høve den europeiske kulturminnedagen.
Mgp Jr. stjernene Celine og Malin
Amfiet i 250m skogen i Valestrand var fullt av unge og ivrige tilskodarar då Malin og Celine kom for å synge sine respektive vinnarlåtar frå Melodi Grand Prix Jr, og det på same dagen som årets norske Mgp Jr vart arrangert.
Sjå bilete frå Celine_og_Malin_i_250m_skogen.pdf
Notkast i Kjereidet
Nordsjøløypedagen var det mykje folk og gjekk i Nordsjøløypa. Ein tur gjekk frå Telavåg og ein frå Kallestad, dei møttest begge i Kjereidet kor det vart gjort eit notkast i den gamle kastevågen.
Sjå bilete frå Notkast_i_Kjereidet.pdf
Kanaldagane 2009
Kulleseidkanalen var full av gamle båtar pynta i sin finaste flaggstas. Laurdagen var det godver og det frimla av folk langs kanalen. Her var det båtar og bilar, motorar, mat og messe. Frå scena var det underhalding og tvers over kanalen den tradisjonelle pallespringinga.
Sjå bilete frå Kanaldagane.pdf
Kystsogehelg i Bekkjarvik
Det vrimla av liv og røre i Bekkjarvik. Tradisjonen tru var det også i år Edel kappestrid mellom øyane, der dei ulike grendelag fekk syne fram sine samarbeidsevner og kunnskap i tradisjonell roing med mange par årer. Dessutan var det marknad og underhaldning. I det særprega konsertlokalet Hengjo, den gamle nottørka, fekk publikum ein stemingsfull aften med Halvdan Sivertsen.
Sjå bilete frå Kystsogehelg_i_Bekkjarvik.pdf
Kystsogedagane i Meland
På Holmeknappen er det under Kystsogedagane marknad i tillegg til underhalding, utstillingar og aktiviteter. I år var det 17 utstillarar som mellom anna selde økologiske frukt og grønsaker produsert i kommunen. Rita Eriksen trio var ein av dagens hovudattraksjonar.
Sjå bilete frå Holmeknappen.pdf
Vervadagen
Sagvågen kystlag inviterte til Vervadag på Jensaneset i Sagvåg med aktivitetar, båtar, musikk og mat. Lyden av ein gamal motor låg over vågen, oppgongsaga var i gong og kløyvde vedstokkar til bord. Fotografier var utstilt mellom grindverk og spant. Den gamle hestebrannvogna fortalde om andre tider.
Sjå bilete frå vervadag.pdf
Periferifestivalen 2009
I år vart det ikke berre arrangert ein fantastisk flott festival, men også ein Periferikonferanse, som gjekk delvis føre seg på Golta. Både konferansen og festivalen syner at det absolutt er mogeleg å få til ting i periferien, og dersom ein nyttar sine fortrinn kan ein ha gode føresetnader for å lukkast.
Sjå bilete frå periferi.pdf
Kvalfestival 2009
Skogsvågen ungdomslag skipa til Kvalfestival for tredje gong. Mykje folk var samla, og fekk høyre både føredrag, historier og song om kval. Her var det også høve til å smake kvalkjøt. Det var eit spektakulært show då dei i Kvalspelet iscenesette kvalfangst, med kval, båtar, steng og liner - her var det action.
Bilete frå kvalfestival.pdf
Herdladagen
Herdla var tidlegare eit knutepunkt og ein møteplass for folk på nordre Holsnøy, nordlege Øygarden og nordre delen av Askøy. Herdladagen gjenskaper litt av Herdla si gamle rolle som knutepunkt, og sat opp båtrute frå Bergen via Meland og Øygarden til Herdla. I Herdlevågen var det marknad, rokonkurranse og underhalding i. Herdla Museum byr på Førestillinga «Audslegt rop mot bratt fjell». Vigleik Dyrøy og gruppa Demring vil framføra songar av Olav Lavik.
Sjå bilete frå herdladagen.pdf
Langøymarknaden
Langøy Kystkultursenter baud også på mange opplevingar både for store og små. Det var riding, båtturar, marknad, skyting med pil og boge og sjølvsagt - skillingsbollar...
Sjå bilete frå langøymarknad.pdf
Hordakyststemne under Strusshamndagane
Mykje folk og båtar hadde samla seg i Stusshamn denne helga. Her var ting å få kjøpt, ete og ikkje minst å sjå og oppleve. Båtturar, seglaser, musikk, vandreteater, tideturar og mykje meir.
Bilete frå Askøy, laurdag strusshamn.pdf
Oselvar er Norges Nasjonalbåt
Redningsselskapet lyste ut konkurranse om Nasjonalbåten, og etter ei spennande innspurt gjekk Oselvaren av med sigeren framfor Åfjordbåten frå Trøndelag. Oselvaren er ein verdig vinnar, og overrekkinga av Redningsselskapet sin plakett vart markert i Oselvarnaustet. Det vart halde mange talar og gode ord om både båten, brukaren, båtbyggjaren og båtbergaren.
Sjå og les meir om markeringa nasjonalbåten.pdf
Kystsogevekene i Radøy
Starten på Kystsogevekene i Radøy vart markert med utstilling på Radøy Kunst Senter og føredrag om det utvendig nyrestaurerte Lamberghuset. Gamle Smiers Venner inviterte etterpå til Smia på Kvalheim til orientering om sin verksemd.
Bilete frå radøy.pdf
Opning av Kystsogevekene i Os
Trass mykje regn og dårleg ver var det over 70 deltakarar på fiskekonkurransen i Søre Øyane. Mange varma seg også på suppa som vart servert mellon utstillinga Før og no i andre høgda på butikken.
Bilete frå os.pdf
Havsportveka 2009
Havsport lokka mange aktive til skjærgarden i Austrheim. Padling, dykking, segling og seglbrett var berre nokre av aktivitetane.
Sjå bilete frå havsportveka.pdf
Dajen dar folk møtest
kom det mykje folk på Fonneskaien for å høyre og sjå fiskeri- og kystminister Helga Pedersen halde tale for Kystsogevekene. Fjordabåtane Granvin og Oster hadde tatt turen, Redningsselskapet var der med sine Eliasbåtar, det var sett opp utstilling med gamle bilete frå Austrheim. Her var trebåtar, verkty og mat, og mykje folk som møttest, prata og fekk ei fin stund.
Sjå bilete frå Fonneskaien offisiell_opning_Fonnes.pdf
Kystsogedagen i Kvalvåg
Dette er ein årleg tjuvstart på Kystsogevekene, første helga i august. I Kvalvåg på Stolmen i Austevoll er det engasjerte Venner av Kvalvåg som inviterar til kystkulturelle aktivitetar, mat, utstillingar og anna. I år kom det mellom 450 og 500 menneske på denne dagen - det vart rift om rømmegrauten og fiskesuppa.
Bilete fra Kystsogedagen Kystsogedagen_i_Kvalvåg.pdf
